തിരിച്ചുവരവ് 

വഴങ്ങാന്‍ മടിച്ച ശീലങ്ങളിലേക്ക്‌,അനുസരണ നടിച്ച ബഹളങ്ങളിലേക്ക്‌, വഴക്കം വന്ന കൈ വേഗങ്ങളിലേക്ക്‌ വീണ്ടും അവൾ എത്തി. അപസർപ്പക കഥകൾ കേട്ടുറങ്ങിയ ബാല്യo വിട്ടിട്ടു ഏറെയായിട്ടില്ല എങ്കിലും മറന്നുപോയി ചിലത്, ആ ഓര്മകളിലേക്കാണ് ഈ ഡിസംബർ രാത്രികൾ പെയ്തിറങ്ങുന്നത്. കുടുംബത്തിലെ വഴിപിഴച്ചു പോയ അവസാനത്തെ സന്തതിയുടെ വരവ്  ആഘോഷിക്കാൻ മുറ്റത്തെ ഇലഞ്ഞി പൂത്തു നിന്നിരുന്നു. ഓർമകൾക്ക് ശ്രദ്ധമൂട്ടാൻ എത്തിയവൾക്ക് ഇതില്പരം ഒരു വരവേൽപ്പ് പ്രകൃതി നല്കാനില്ല. °

°

Advertisements

nostalgic 

ചില ഓർമ്മകൾ വേരോടുന്നത് മനസ്സിൽ മാത്രം അല്ല ചില മണ്ണിൽ കൂടിയാണ് . ജീവിതം കൊണ്ട് ഒന്നിക്കാൻ കഴിയാത്ത ചിലർ ഒരേ മണ്ണിൽ ചിതകത്തിതീർന്ന ഒരു പഴഞ്ചൻ തറവാട് എന്നോട് പറഞ്ഞു, “ദേഹമേ ചാരമാകുന്നുള്ളു ദേഹി ഗതികിട്ടാതെ അലയുന്നുണ്ട് അലകൾ അടങ്ങാത്ത കടൽ പോലെ നുരയുന്ന ഓർമകളുമായി”.ശ്രാദ്ധമുട്ടേണ്ടത് പിതൃതത്തിനല്ല, കലഹിക്കുന്ന എന്നിലെ ആ ഓർമ്മൾക്കാണ്,എന്നാലേ ഈ ബാധ ഒഴിയൂ. 

black out poetry 

ചില തിരുത്തലുകൾക്കായി മാറ്റിവെച്ച ഏടുകളിൽ എവിടെയോ ചിതലരിച്ചു പോയി   എന്റെ പ്രണയം.

being women

ആർത്തവം ഒരു മറയാണ് ഇഷ്ടമില്ലാത്ത ചില ഇടങ്ങളിൽ നിന്നും,വിശ്വാസമില്ലാത്ത ചില കാട്ടികൂട്ടലുകളിൽ നിന്നും ഒരു രക്ഷപ്പെടൽ. അശുദ്ധി പെണ്ണിന് നൽകുന്ന സ്വാതന്ത്ര്യം

ഒരു പ്രണയ നഷ്ടത്തിന്റെ കഥ

ഒടുവിൽ ഒരു നീണ്ട കാത്തിരിപ്പിനൊടുവിൽ അത് സംഭവിച്ചു.അവൾക്കു മാത്രം ആയി അവന്റെ കുറെ നിമിഷങ്ങൾ.പിടിച്ചു വാങ്ങിയതാണ് എങ്കിലും ഒരുപാടു നുണകൾക്കിടയിൽ അവൾ തന്നോട് തന്നെ പറഞ്ഞ് പഴകിയ ഒരു നുണയെ തിരുത്താനുറചാണ് അവൾ ഇറങ്ങിയത്. അവൾക്ക് ഒരുപാട് ഒന്നും പറയാൻ ഉണ്ടായിരുന്നില്ല അവനോട്,പറഞ്ഞു ശീലിച്ച ഒരു മറുപടിയുമായി നിൽക്കുന്ന അവനെ അവൾ ചോദ്യശരങ്ങൾക്കൊണ്ട് കുഴക്കിയതുമില്ല. ഒരു പകൽ ആശങ്കകൾ നിറഞ്ഞ ജീവിതത്തിന്റെ അര്ഥമില്ലായ്മയെ കുറിച്ചാണ് അവർ സംസാരിച്ചത്. തമ്മിലുള്ള ഇഷ്ടം അല്ല, നിറംകെടുത്തിയ അവന്റെ ജീവിതത്തിൽ അവൾ നിറങ്ങൾകൊണ്ടെഴുതി തൊട്ടു പോയ ആ ഏട് അതിൽ ഒന്നു മാത്രമായിരുന്നു. യാഥാർഥ്യത്തിന്റെ കരിനിഴൽ വീണ ഒരു നിമിഷം താൻ ഒന്നും നേടുന്നില്ല അവൻ അരെയും തേടുന്നുമില്ല എന്നറിഞ്ഞ കാലം മുതൽ മഷിതീർന്ന തൂലികയുമായി അവൾ കാലം നടന്നു നീക്കി. അവനു വേണ്ടി മാത്രം ജനിച്ച കവിതകൾ അവന്റെ ഓര്മകളോട് കൂടി മണ്ണടിയേണ്ടതുണ്ട്. നാട്ടിലേക്കുള്ള ബസ് കയറ്റി വിടാൻ നേരം അവന്റെ വിയർത്തൊട്ടിയ കൈ ചേർത്ത് പിടിച് അവൾ പറഞ്ഞതു അവനെ വേദനിപ്പിച്ചിരിക്കണം. ഒരിക്കലും തിരിച്ചു കിട്ടില്ല എന്നറിഞ്ഞിട്ടും അവൾ അവനെ പ്രണയിച്ചുകൊണ്ടേരിക്കും ഒരു നേർത്ത വിങ്ങലോടെ…

Smoke

ചിലപ്പോ തോന്നും പ്രണയവും പുകവലിയും ഒന്നാണോ എന്ന്; തുടക്കം എപ്പോഴും ഒരു ഒളിച്ചുവെയ്ക്കൽ, ഒടുക്കം ഒരു നഷ്ടപ്പെടലും രണ്ടും ആവോളം ലഹരി ആണെന്നറിഞ്ഞിട്ടും വേണ്ടാന്നുവെയ്ക്കാൻ ആവുന്നുമില്ല.
©skr_perceptions

dhill dadakno do 

തിരിച്ചുള്ള യാത്രയിൽ എന്നെ കടന്നുപോയ മലനിരകൾ അവളുടെ പേര് ഉറക്കെ വിളിക്കുന്നുണ്ടായിരുന്നു എന്റെ ഹൃദയത്തിന്റെ പ്രതിധ്വനിയെന്ന പോലെ.