letter to beloved

ജോസഫൈൻ,
ഓരോ വേനലിലും നിന്റെ വരവും കാത്തിരുന്ന ലെബോനോണിലെ ദേവതാരു മരച്ചുവട്ടിലെ ആ കവി മരണമടഞ്ഞ വിവരം നിന്നെ അറിയിക്കുന്നു. വസന്തത്തിന്റെ പാരിതോഷികം പോലെ നിന്റെ ഓര്മകൾനിറച്ചെഴുതിയ അവന്റെ കുറിപ്പുകളും നിന്റെ കൈവശം ഏല്പിക്കുന്നു. സ്നേഹത്തിന്റെ പ്രവാചകൻ നിന്നെ പ്രണയിച്ചിരുന്നു എന്ന് നിനക്കു ലോകത്തെ അറിയിക്കുവാനായി സുഗന്ധധൂപങ്ങളും പുഷ്പഫലകങ്ങളുമായി വന്നു അവന്റെ കല്ലറ നിനക്കലങ്കരിക്കാം…
ഒമർ ഖയാമിന്റെ കാവ്യശകലങ്ങൾ ചൊല്ലി അവനെ സന്തോഷിപ്പിക്കാം…
അവന്റെ മരണം നിന്റെ ഇനിയും പിറക്കാത്ത പ്രവാചക പുത്രന് ഒരു ശിശിരകാല ഓർമ മാത്രമായിരിക്കട്ടെ.

©skr_perceptions

Advertisements

waiting

കഴിഞ്ഞ മദ്ധ്യാനത്തിൽ പൊടിമണ്ണിന്റെ മണമൂറുന്ന ഈ പുസ്തകശേഖരത്തിനു നടുവിൽ ഞാൻ നിന്റെ വരവ് കാത്തിരുന്നു. നിന്നെയും നിന്റെ ഓർമ്മകളെയും പേറി ഞാൻ, ഞാൻ മാത്രം. വിരസത വിരഹത്തിലേക്കു വഴിമാറുന്നതറിയാതെ ഞാൻ എന്റെ നിശബ്ദതയിൽ അലിഞ്ഞു ചേർന്നിരുന്നു.

തിരിച്ചുവരവ് 

വഴങ്ങാന്‍ മടിച്ച ശീലങ്ങളിലേക്ക്‌,അനുസരണ നടിച്ച ബഹളങ്ങളിലേക്ക്‌, വഴക്കം വന്ന കൈ വേഗങ്ങളിലേക്ക്‌ വീണ്ടും അവൾ എത്തി. അപസർപ്പക കഥകൾ കേട്ടുറങ്ങിയ ബാല്യo വിട്ടിട്ടു ഏറെയായിട്ടില്ല എങ്കിലും മറന്നുപോയി ചിലത്, ആ ഓര്മകളിലേക്കാണ് ഈ ഡിസംബർ രാത്രികൾ പെയ്തിറങ്ങുന്നത്. കുടുംബത്തിലെ വഴിപിഴച്ചു പോയ അവസാനത്തെ സന്തതിയുടെ വരവ്  ആഘോഷിക്കാൻ മുറ്റത്തെ ഇലഞ്ഞി പൂത്തു നിന്നിരുന്നു. ഓർമകൾക്ക് ശ്രദ്ധമൂട്ടാൻ എത്തിയവൾക്ക് ഇതില്പരം ഒരു വരവേൽപ്പ് പ്രകൃതി നല്കാനില്ല. °

°

nostalgic 

ചില ഓർമ്മകൾ വേരോടുന്നത് മനസ്സിൽ മാത്രം അല്ല ചില മണ്ണിൽ കൂടിയാണ് . ജീവിതം കൊണ്ട് ഒന്നിക്കാൻ കഴിയാത്ത ചിലർ ഒരേ മണ്ണിൽ ചിതകത്തിതീർന്ന ഒരു പഴഞ്ചൻ തറവാട് എന്നോട് പറഞ്ഞു, “ദേഹമേ ചാരമാകുന്നുള്ളു ദേഹി ഗതികിട്ടാതെ അലയുന്നുണ്ട് അലകൾ അടങ്ങാത്ത കടൽ പോലെ നുരയുന്ന ഓർമകളുമായി”.ശ്രാദ്ധമുട്ടേണ്ടത് പിതൃതത്തിനല്ല, കലഹിക്കുന്ന എന്നിലെ ആ ഓർമ്മൾക്കാണ്,എന്നാലേ ഈ ബാധ ഒഴിയൂ. 

black out poetry 

ചില തിരുത്തലുകൾക്കായി മാറ്റിവെച്ച ഏടുകളിൽ എവിടെയോ ചിതലരിച്ചു പോയി   എന്റെ പ്രണയം.

being women

ആർത്തവം ഒരു മറയാണ് ഇഷ്ടമില്ലാത്ത ചില ഇടങ്ങളിൽ നിന്നും,വിശ്വാസമില്ലാത്ത ചില കാട്ടികൂട്ടലുകളിൽ നിന്നും ഒരു രക്ഷപ്പെടൽ. അശുദ്ധി പെണ്ണിന് നൽകുന്ന സ്വാതന്ത്ര്യം